پتوکی میں سفاک نوجوان نے 3 سالہ یتیم بچی کودادا کے سامنے زیادتی کا نشانہ بنا ڈالا بزرگ دادا غم سے انتقال کر گئے
بچی کی والدہ کے ملزم کے ساتھ گہرے ناجائز تعلقات تھے، بچی کے بزرگ دادا عبدالحمید غم سے انتقال کر گئے، پولیس نے مرکزی ملزم عابد کو گرفتار کرلیا درندہ صفت نوجوان نے 3 سالہ یتیم بچی کو زیادتی کا نشانہ بنا ڈالا، بچی کو تشویشناک حالت میں لاہور ریفر کردیا گیا۔ بچی کی والدہ کے ملزم کے ساتھ گہرے ناجائز تعلقات تھے، بچی کے بزرگ دادا عبدالحمید غم سے انتقال کر گئے، پولیس نے مرکزی ملزم عابد کو گرفتار کرلیا۔ تفصیلات کے مطابق بدبخت نوجوان نے 3 سالہ یتیم بچی کو زیادتی کا نشانہ بنا ڈالا۔
خبر ایجنسی کے مطابق بچی کو زخمی حالت میں تحصیل ہیڈ کوارٹر پتوکی لایا گیا جہاں پر ڈاکٹروں نے بچی کو لاہور ریفر کر دیا۔ متاثرہ بچی کی حالت تشویش ناک ہے اور بچی چلڈرن ہسپتال لاہور میں زیر علاج ہے۔ میڈیا رپورٹس کے مطابق بچی کی والدہ کے ملزم کے ساتھ گہرے ناجائز تعلقات تھے۔ اپنی پوتی کے ساتھ ہوئے انسانیت سوز سلوک پر ننھی بچی کا بزرگ دادا عبدالحمید غم سے انتقال کر گیا
ذرائع نے بتایا ہے کہ پولیس نے عابد نامی مرکزی ملزم کو گرفتار کرلیا ہے۔ بچی کے چچا کی درخواست پر پولیس نے بچی کی والدہ ذرینہ بی بی اور اوباش ملزم کے خلاف مقدمہ درج کرلیا ہے۔ ڈی پی او قصور زاہد نواز مروت کی جانب سے واقعہ کا نوٹس لیا گیا۔ مزید تفصیلات کے مطابق تھانہ صدر پتوکی کے نواحی گاؤں چک نمبر 37 میں درندہ صفت اوباش ملزم عابد نے گھر میں گھس کر تین سالہ معصوم بچی ایمان فاطمہ کو زبردستی زیادتی کا نشانہ بنا دیا۔
بچی نے چیخ پکار شروع کردی تو ملزم نے بچی کو تشدد کا نشانہ بھی بنایا۔ سفاک ملزم کی جانب سے ننھی معصوم کلی کو درندگی کا نشانہ بناتے وقت بچی کا دادا عبدالحمید بھی موجود تھا جس نے سارا وقع اپنی آنکھوں سے دیکھا مگر عبدالحمید فالج کا مریض تھا جو ملزم کا سامنا نہ کرسکا۔ بچی کا دادا شور شرابا بھی کرتا رہا اور ملزم موقع سے فرار ہوگیا جبکہ بچی کا دادا گزشتہ رات بچی کے غم میں انتقال کر گیا۔
بچی کے چچا محمد اکرم کے مطابق ان کی 3 سالہ بھتیجی ایمان فاطمہ گھر میں اکیلی تھی کہ ملزم عابد گھر میں آیا اور بچی کے ساتھ زیادتی شروع کر دی، بچی کے شور کرنے پر بچی پر تشدد بھی کیا گیا۔ بچی کے چچا نے مزید بتایا کہ بچی کی والدہ زرینہ بی بی اور ملزم عابد کے درمیان گہرے مراسم تھے۔ بچی کی والدہ زرینہ بی بی بچی کو زخمی حالت میں پتوکی لائی جہاں پر ڈاکٹروں نے بچی کو لاہور جناح اسپتال ریفر کر دیا اور جناح اسپتال سے بچی کو چلڈرن ہسپتال ریفر کردیا گیا جہاں پر ننھی بچی زیر علاج ہے۔
متاثرہ بچی کے رخسار پر دانتوں سے کاٹنے کے نشانات واضح ہیں۔ بچی کے چچا محمد اکرم کی تحریری درخواست پر تھانہ صدر پتوکی نے ملزم عابد کے خلاف مقدمہ درج کرلیا ہے۔ ڈی پی او قصور زاہد نواز نے واقع کا نوٹس لے کر ڈی ایس پی پتوکی کی سربراہی ٹیم تشکیل دی جس نے ملزم عابد کو فوری گرفتار کر لیا۔
No comments:
Post a Comment